Michele Hendricks (ahotsa), Ronald Baker (ahotsa, tronpeta), Gerard Nieto (pianoa), Ignasi González (kontrabaxua), Roger Gutiérrez (bateria)
Michele Hendricks abeslari estatubatuarra dama bat da Jazzaren ahotsen artean, eta estilo pertsonal eta berezi bat mantendu izan du bere ibilbidean zehar. John Hendricks abeslari handiaren alaba, Hendricksek kontinente guztietan abestu eta Jazz zirkuituko agertoki nagusietan gailendu da.
Ronald Baker Baltimoren jaiotako abeslari eta tronpetista da. Jazz klasikoaren askotariko adierazpideak sakonetik ezagutzen dituen musikari honen kontzertuak bete egiten dira indarrez, bai eta blaitu ere publikoarekin sortzen den enpatiaz.
Michele Hendricks eta Ronald Baker uztartzearen emaitza hauxe da: birtuosismo instrumentala eta trebetasun bokala eskutik doazen ikuskizun bat. Inprobisaziorako aparteko senarekin, Jazzaren historian izan diren goren uneak iradokiko dituen kontzertu bat izango da hau.
